COTABATO CITY -- Duha ka mga miyembro sa Bangsamoro Islamic Freedom Fighters (BIFF)-Karialan faction ang napatay sa engkuwentro sa militar alas 4:00 sa hapon Dominggo, Mayo 16.

Mga napatay pulos sakop ni Solaiman Tudon alyas Kumander Abu Jihad.

Gikanayon ni 601st Brigade Commander Brigadier General Roy Galido nga na-engkuwentro sa Joint Task Force Central ang mga terorista sa Barangay Mao, Datu Paglas, Maguindanao Province nga milungtad og 15 minutos.

Tungod sa mga buto-buto, mga sibilyan nangalisang, hinungdan nga nanghikling paingon sa luwas nga dapit.

Wa madugay miatras ang mga terorista paingon sa bukiron nga bahin sa nahisgutang lungsod sa dihang migamit na og kanyon ang mga sundalo.

Narekober gikan sa duha ka napatay ang ilang mga armas, personal nga kagamitan ug mga bomba.

Samtang nailog sab sa militar ang gamay nga kampo BIFF nga dunay mga fox holes ug napalibutan sa mga running trenches. (Edgar E. Fuerzas)