Balita

3 sundalo angol sa engkwentro sa BIFF

Edgar E. Fuerzas

COTABATO CITY -- Gipasidunggan ang tulo ka sundalo nga naangol sa engkwentro sa mga terorista alas 4:30 sa hapon, niadtong Sabado, Nobyembro 27, sa probinsya sa Maguindanao.

Giila ang mga samaron nga sila Corporal Kent Ayco, Private First Class Joemar Deguit ug Private First Class Carl John Lagdamen nga mga sakop sa 6th Infantry Battalion Philippine Army.

Sa taho gikan sa 601st Brigade nga samtang nagpatrolya ang mga sakop sa 6th IB sa Shariff Saydona Mustapha Maguindanao ilang na-engkwentro ang mga miyembro sa Bangsamoro Islamic Freedom Fighters (BIFF).

Milungtad sa 50 minutos ang sinukliay og mga bala tali sa duha ka pundok gamit ang mga tag-as nga matang sa armas.

Tungod sa kahadlok, milalin ang mga sibilyan paingon sa mga luwas nga dapit sa kabalaka nga maipit sa kagubot.

Miatras ang mga terorista sa diha nga sila gipabuthan sa mga sundalo gamit ang 81 mm mortar.

Upat ang gikataho nga napatay sa BIFF samtang tulo ang naangol sa military nga gidala dayon sa Camp Siongco Hospital.

Mismo nga si 6th Infantry (Kampilan) Division Chief ug Joint Task Force Central Commander Juvymax Uy ang nagpasidungog sa mga samaron nga sundalo nga pulos nakadawat og Wounded Personnel Medal.

Sa kasamtangan, nagpadayon ang paglutos sa Joint Task Force Central batok sa BIFF sa Shariff Saydona Mustapha, Maguindanao.

LTFRB 7 Director Eduardo Montealto Jr.

LTFRB: Seize unconsolidated jeepneys plying after April 30

Rama, 5 other CH officials face raps

Gunman in radio broadcaster’s murder nabbed

PNP tags brother in death of 14-year-old girl from Talisay

Hontiveros urges DFA to cancel Quiboloy’s passport