ANAA na sa 32 ang ihap sa mga overseas Filipino workers (OFW) gikan sa napulo ka repatriation flights nga mitugpa sa Davao International Airport ang nagpositibo sa coronavirus.

Kini ang gibutyag ni City Toursim Officer ug Airport Health Monitoring Team Head Gene Rose Tecson.

Sumala sa opisyal nga ang kadaghanan sa mga nagpositibo naka-recover ug nakauli na, apan duna pay pito ang nahibilin sa quarantine facility.

Sa kinatibuk-an, adunay 2,666 ka repatriation flight passengers ang miabot sa Davao City sugod adtong Hulyo 15 hangtud Agosto 25 ug 27.

Gipangandaman na sab sa siyudad ang pag-abot sa laing hugna sa mga OFW nga sagad gikan sa mga nasud sa tungang sidlakan. (Jeepy P. Compio)