KIBLAWAN, Davao del Sur -- Padayong ginasubay sa Kiblawan Municipal Police Station ang gituohang responsable sa pagpananom sa marijuana didto sa Sitio Lampagan, Barangay Kimlawis.

Niadtong Sabado, misaka sa bukid ang mga awtoridad aron sutaon ang impormasyon nga dunay plantasyon sa marijuana sa lugar.

Pipila ka oras ang pagbaklay, ilang naabot ang plantasyon ug dungan nga gipanglarot ang dul-an 4,000 ka fully-grown marijuana nga dunay street value nga P800,000.

Usa ka hiniusang puwersa sa awtoridad ang maong operasyon nga milampos pinaagi sa tabang sa komunidad. (Jeepy P. Compio)