POSITIBO nga namolestiya sa hubog nga lalaki ang usa ka 5-anyos nga batang babaye, alas 7 sa gabii niadtong Lunes, Disyembre 10, sa Barangay 76-A, Bucana, Davao City.

Sa impormasyon gikan sa San Pedro Police Station, giingon nga natingala ang mga ginikanan sa bata nga wa kini sa ilang balay nga hapit na alas 8 sa gabii.

Dihang gisubay na sa iyang pamilya ang biktima, naaktuhan sa uyoan niini nga gimolestiya na kini ni Eduardo (bansagon gitago), 41, didto sa usa ka giabandona nga balay.

Tungod sa hitabo, gitabangan og kulata ang suspek sa mga kabanay ug gilayong gipadakop sa mga pulis.

Sumala sa suspek nga wala niya gihilabtan ang bata, apan ang bata mitug-an kini sa iyang nadangatan.

Sa kasamtangan, giandam na ang kaso nga ipasaka batok sa suspek didto sa korte.