CENTRAL MINDANAO -- Lima ka tawo nga nalambigit sa rent-a-car scam gipasakaan og kaso sa National Bureau of Investigation (NBI) sa City Prosecutor’s office sa dakbayan sa Cotabato.

Nailhan ang mga suspek nga sila Cassandra Sharijane Dinayugan, tag-iya sa Lahdin’s Trucking and Car Rental, Richard Dinayugan, Pancho Balawag, Concepcion Balawag, ug Kandi Samuel.

Gibutyag ni Arnold Rosales, National Bureau of Investigation (NBI) sa Bangsamoro Autonomous Region in Muslim Mindanao (BARMM) director, ang kaso nga ilang gisang-at gilangkuban sa syndicated estafa ug carnapping batok sa mga suspek.

Giingong moabot og 152 ka mga tawo ang nabiktima sa rent-a-car scam ug nagkantidad sa P150 milyones ang natiti.

Gihulat na lamang sa NBI ang ipagawas nga warrant of arrest sa korte batok sa mga suspek.

Nasayran nga ning bag-o lang, lima ka mga hot car ang nasakmit sa Highway Patrol Group (HPG)-BARMM sa Jolo Sulu nga apil sa nahisgutang scam.

Kadaghanan, matud pa, sa gibaligyaan sa mga sakyanan mga opisyal sa militar, kapulisan, mga lokal opisyal ug mga negusyante.

Modus sa grupo nga moabang og sasakyan, bayaran ang renta apan pagkahuman ibaligya kini ngadto sa laing tawo. (Edgar E. Fuerzas)