KIDAPAWAN CITY -- Unom ka mga miyembro sa New People's Army (NPA) ang misurender sa militar alas 2:00 sa hapon, Huwebes, Mayo 27.

Mga rebelde mga miyembro sa Guerilla Front Committee 51 ug 53.

Dala sa pagsurender sa mga NPA ang mga tag-as nga matang sa armas, mga bala, magazine ug anti-personnel mine.

Misurender ang mga NPA sa 39th Infantry Battalion, Philippine Army sa Makilala, North Cotabato.

Sumala kang alyas Eboy nga siya na-engganyo nga mosurender gumikan sa mga maayo nga programa sa gobyerno susama sa National Task Force to End Local Communist Armed Conflict (NTF-Elcac).

Gisaway sab ni alyas Belen ang kalihukan sa NPA sa kabukiran nga gihimo na lang gatasan ang mga sibilyan ilabi na kadtong mga mag-uuma.

Kahinumdoman nga upat sab ka NPA ang nadakpan sa 39th IB sa Sitio Lukatong, Barangay Biangan, Makilala nga gitudlo sa mga kanhi nila nga mga kaubanan nga nanurender ug mibalik sa sabakan sa balaod.

Nanawagan ang pamunoan sa 39th IB sa mga NPA nga nagtago-tago sa tiilan sa Mount Apo nga mosurender na ug manginabuhing malinawon. (Edgar E. Fuerzas)