MIDSAYAP, North Cotabato -- Naglusad ang kapulisan Midsayap Municipal Police Statio ug 34th Infantry Battalion, Philippine Army og combat clearing operation human mapatay ang pito ka mga terorista nga sakop sa Bangsamoro Islamic Freedom Fighters (BIFF) atol sa panag-engkuwentro alas 5:15 sa hapon niadtong Miyerkules, Oktubre 23.

Usa sa napatay naila nga si Mama Macalimbol nga giingong nagtago-tago sa Sitio Narra, Barangay Tumbras sa nahisgutang lungsod.

Sumala sa taho nga gipabuthan ang kapulisan ug militar, gipangulohan ni Lieutenant Colonel Gleen Caballero sa mga terorista hinungdan nga nahitabo ang binakbakay nga nilungtad og 40 minutos.

Mga suspek napatay samtang nagtago sa payag-payag duol sa sapa.

Narekober sa mga awtoridad ang duha ka cal. 30 garand rifles, duha ka M14 rifle usa ka Cal. 50 Improvised Barret, usa ka Improvised 7.62 mm M14 rifle, usa ka M16 rifle, mga improvised explosive devices (IEDs) ug mga bala.

Nasayran nga ang grupo ni Macalimbol nalambigit sa daghang mga kaso sama robbery-hold-up, extortion, kidnapping, pagpamomba ug uban pa. (Edgar E. Fuerzas)