MOKABAT sa 705 ka mga accomplishments ang natala sa Police Regional Office (PRO)-Davao sud lamang sa 24-oras subay sa ilang gipakusgan nga Oplan Dabaw Kalinaw ug Oplan Kaagapay sa Davao Region sukad adlaw’ng Lunes, Septyembre 17.

Kini ang gibutyag ni PRO-Davao spokesperson Chief Inspector Milgrace Cajes Driz human natala ang 705 accomplishments sud lamang sa usa ka adlaw aron mapabilin ang kahapsay ug kalinaw sa dakbayan.

“Oplan Dabaw Kalinaw is a comprehensive effort to counter terrorism and anti-criminality operations including identification, background check and profiling of transient residents and manhunt operations of wanted persons or fugitives hiding in urban communities,” tipik sa press release sa PRO-Davao pinaagi ni Driz.

Atol sa operasyon sa mga checkpoints, natala ang 80 ka mga violations sa Republic Act 4136 kun Land Transportation and Traffic Code diin duha ka mga motorsiklo ang na-impound.

Natala sab ang 259 ka mga Police Community Relations (PCR) activities sama sa pagkasikop sa mga gipangita sa balaod atol sa gihimo nga aktibidad sa kapulisan sa mga barangay.

Moihap sab sa 364 ka mga aktibidad ang natala sa paghimo ug pagpatuman sa internal security operations, special police operations ug uban pang mga mandato sa balaod nga wa masakop sa Oplan Dabaw Kalinaw.

Sumala ni PRO-Davao director Chief Superintendent Marcelo Morales nga pinaagi sa katawhan sa komunidad sa pagsumbong sa otoridad mitaas ang ihap sa pagsulbad sa krimen sa rehiyon.