COTABATO CITY -- Usa ka siyam ka bulan nga bata o masuso nga lalaki ang nag-positibo sa coronavirus disease (Covid-19) sa siyudad sa Cotabato.

Ang biktima na-ekspos sa usa ka 11-anyos nga dalagita nga nag-positibo sab sa Covid-19 sa dakbayan.

Sa taho gikan sa Department of Health (DOH) Soccsksargen Region nga ilang gipailawom sa swab test ang bata sa diha nga namatikdan nila nga dunay siya'y simtomas diin nag-positibo kini sa makatakod nga sakit.

Magkauban sa balay ang 11-anyos ug ang siyam ka bulan nga masuso nga nag-positibo sa Covid-19.

Ang biktima mao ang pinaka-bata nga nataptan sa Covid-19 sa rehiyon-12.

Gipanid-an sab karon sa DOH ang panglawas sa ubang miyembro sa pamilya sa bata ug iyang ginikanan lakip na mga silingan.

Hinuon anaa sa maayong panglawas ang masuso nga anaa karon sa isolation facility sa siyudad.

Sa kasamtangan gipahugtan pa ang kampanya sa LGU-Cotabato City batok sa makatakod nga sakit ilabina ang pagbantay sa mga Covid-19 checkpoint. (Edgar Fuerzas)