STA. CRUZ, Davao del Sur -- Pulos way sapot dihang naaktuhan sa mismong bana ang iyang asawa ug kabit sud sa gi-rentahang balay didto sa Sitio Bagumbayan, Barangay Zone 3 sa lugar, alas 10:15 sa buntag, Dominggo, Agosto 2.

Nangayo og pakitabang si alyas Glenn, 45, trabahante nga molupyo sa nasampit nga lugar human nadiskubrihan niya nga nagduwa og kalayo ang iyang asawa.

Sa pagresponde sa mga otoridad, nasakpan nila ang asawa nga si alyas Mercy, 42, negusyante, nga wala nay panty ug sapot nga kauban ang iyang lalaki nga si alyas Allan, 41, negusyante sa Barangay Kapatagan, dakbayan sa Digos.

Sumala sa kapolisan nga pulos wa'y sinina ang duha atol sa ilang paghidangat ug timailhan nga bag-o lamang kini nahuman sa pagtagay sa lawasnong kalipay.

Wa'y nahimo ang duha human gipakuyog sila sa kapolisan aron ibalhog sa ilang selda subay sa desisyon sa bana ni Mercy.

Sa kasamtangan, gihikay na ang kasong atubangon sa duha human naaktuhan sa ilang ilegal nga pakighilawas.