ARESTADO ang usa ka babaye sa Davao City tungod sa kalapasan niini sa Anti-Photo and Video Voyeurism Act.

Nasikop ang babaye sa mga personahe sa kapulisan sa Davao City Police Office (DCPO) didto sa Barangay Centro, R. Castillo Street, Agdao District, Davao City Hunyo 27, 2022.

Ang dinakpan giila nga si alyas Grace, 30, taga Sitio Lawis Barangay Centro, Agdao District.

Ang suspek dunay warrant of arrest sa kalapasan sa Republic Act 9995 o Anti-Photo and Video Voyeurism Act of 2009 nga may girekomendang piyansa nga P70,000.

Gidasig sa awtoridad ang publiko nga di magpataka sa pagkuha og video o litrato sa usa ka tawo nga way pagtugot, tungod kalapasan kini sa balaod.