MAS igmat karon ang kapulisan sa San Pedro Police Station ug Sta. Ana Police Station dihang ilang namatikdan nga misiaw na sab ang “Battery gang” sa ilang area of responsibility (AOR).

Ning bag-o lang namiktima na sab ang mga nahisgutan diin usa ka drayber ang mipatala sa Sta. Ana PNP kay wala nay battery ang iyang trak nga iyang giparada sa Del Pilar Street, Bo. Obrero, Dakbayan sa Davao.

Usa ka alyas Rey (bansagon gitago), 49-anyos, taga Barangay 5-A, Bankerohan ning siyudad ang mipatala sa Sta. Ana PNP gumikan sa iyang gidangatan.

Buot pa unta sa mga suspetsado nga kuhaon ang lain pang 12 volts na battery sa sakyanan sa iyang tupad nga naka-parking apan wala na nagmalampuson ang mga suspek.

Kapulisan mihimo na og pagpanubay sa hitabo aron masikop ang mga responsable.