KIDAPAWAN CITY - Magpatuman og salvaging procedure ang Bureau of Fire Protection (BFP) sa Makilala, North Cotabato sugod Nobyembre 11.

Tumong sa procedure nga marekober og maluwas pa ang mga importante nga dokumento sa municipal government sa Makilala.

Gilangkuban kini sa 40 ka mga sakop sa BFP nga magpahigayon og salvaging procedure sa naguba nga municipal hall sa Makilala nga giigo sa linog.

Musulod matag lima ka minutos ang mga sakop sa BFP sa naguba nga municipal hall aron kuhaon ang mga dokumento unya mugawas dayon gumikan dilikado sab nga mahugno ilabina nga nagpadayon ang mga aftershocks.

Kada lima ka minuto ang interval sa pagsulod sa tig 15 ka sakop sa BFP sa municipal hall nga magpahigayon og salvaging procedure.

Ang municipal hall sa Makilala usa sa grabeng naguba sa sunod-sunod nga linog nga miigo sa probinsiya sa bulan sa Oktubre.

Giplano na sab sa Provincial Government sa Cotabato ang pagtukod og lig-on ug bag-o nga municipal hall sa lungsod sa Makilala.