NAGPADAYON gihapon ang gihimong clearing operation sa kalsada sa Sitio Pungko, Barangay Salapawan, Paquibato District, Davao City human midahili ang dako nga porsiyon sa yuta sa bukid sa maong dapit.

Sa maong hitabo, pito ka mga panimalay ang natabunan sa yuta pasado alas 12 sa tungang gabii, Hunyo 22, 2021.

Sa impormasyon gikan sa Paquibato Police Station, walay naangol sa panghitabo.

Dali sab dayon mibakwit ang mga residente sa kasikbit nga mga balay sa panegurong luwas sila.

Gipaneguro sab sa mga barangay officials nga anaa sa luwas ang ilang mga residente sa mga landslide prone areas. (Jeepy P. Compio)