MIHAKOT og daghang pasidungog ang Davao City Police Office atol sa selebrasyon sa ika-117th PNP Service Anniversary ug turnover ceremony sa bag-ong regional director sa Police Regional Office 11, sa Camp Quintin Merecido, Catitipan, Davao City, Huwebes.

Mismong si Philippine National Police (PNP) Director General Oscar Albayalde ang midunol sa award ug gisundan ang seremonya sa retirement honors kang Police Chief Superintendent Manuel Gaerlan.

Suma ni DCPO director Senior Superintendent Alexander Tagum nga kung dili tungod sa partisipasyon sa komunidad di nila kini makab-ot nga pasidungog.

Ang mga awards nga nadawat sa DCPO mao ang mga mosunod; DCPO - Best City Police Office Nationwide; Davao CMFC - Best City Mobile Force Company Nationwide; DCPO - Best Women and Children Protection Desk Region-wide.

Samtang midawat sab og pasidungog si Tagum isip Best Senior Police Commissioned Officer for Operations Region-wide; si PCI Nolan Raquid - Best Junior Police Commissioned Officer for Operations Region-wide; ug si SPO1 Rizalito Clapiz III - Best Senior Police Non-Commissioned Officer for Operations Region-wide. (Jeepy P. Compio)