GITIN-AW ni Department of Health-Davao Region (DOH-Davao) Director Annabelle Yumang, sa suwat nga giduso ngadto kang Davao Oriental Governor Nelson Dayanghirang ug na-post sa Davao Oriental website, nga way Covid-19 gamma variants o bisan unsang variants of concerns nga nadeparahan sa probinsiya.

Matud ni Yumang nga ang iyang buhatan nakadawat og mga pangutana gikan sa media bahin sa press release nga giisyu niadtong Lunes sa hapon, Hunyo 22, nga pipila ka mga Covid-19 variants nga dunay nakompirmang mga kaso sa probinsiya ang giila.

Base sa datus gikan sa DOH, mga variants of concern mao ang: United Kingdom o Alpha variant (B.1.1.7), South Africa o Beta variant (B.1.351), Brazilian o Gamma variant (P.1), ug India o Delta variant (B.1.617.2), samtang ang variant of interest nga Theta P.3 -- tanan way presensiya sa probinsiya sa Davao Oriental.

"The reported variants are not identified as a variant of concern because current data are insufficient to determine whether the variant will require more appropriate and specific health action," matud ni Yumang sa suwat.