PADAYON karon ang gihimong imbestigasyon sa Homicide and Arson Section sa kapulisan labot sa pagkasunog sa garbage truck sa Davao City Environment and Natural Resources Office (CENRO) Huwebes sa hapon, Enero 6, 2021.

Nasayran nga kalit miaso ang garbage truck samtang nagdiskarga kini og mga basura didto sa sanitary landfill sa Barangay New Carmen, Tugbok District, Davao City.

Pag-aso sa trak, daling midako ang kalayo ug wala na kakanit sa mga basura sa dapit dihang dali sab nga nangabot ang mga bombero.

Sumala sa kabomberohan nga mi-overheat ang makina sa trak, hinungdan nga miulbo ang kalayo.

Gibana-bana nga mokabat sa kapin kun kulang P700,000 ang damyos sa maong hitabo.

Padayon ang imbestigasyon sa kapulisan kon duna bay mapanubag sa maong sunog.