WALA nahuman ang pagligo sa usa ka 22-anyos nga babaye sa Barangay Duterte Agdao, District Davao City, Sabado sa hapon, Hunyo 1, tuig 2019 dihang nasakpan niini ang ilang silingan nga namaklad ug nag-jakol samtang siya naligo.

Mipatala sa buhatan sa Sta. Ana Police Station si alyas Grace, 22-anyos, dalaga, usa ka Guest Relation Officer.

Nasayran nga samtang hubo nga naligo si Grace, iyang nakita nga duna diay bangag ang ilang banyo.

Dihang kalit niyang gilili, iyang nakita ang iyang silingan nga si Roger, 40-anyos, biyudo, kinsa nalingaw og jakol.

Kalit gidukdok ni Grace og kabo ang bungbong sa ilang banyo hinungdan nga perting dagan ni Roger, alas 6 sa gabii niadtong Sabado.

Human sa pagpa-blotter ni Grace, gi-mandoan siya sa duty desk officer nga ipatawag ang suspetsado sa barangay aron didto sila mahusay.