WA PATAROG sila Gwen Zamora ug David Semerad sa mga batikos nga nadawat tungod sa ilang sobrang sweetness sa ilang mga Instagram post.

Sa usa ka photo nga gi-post sa aktres sa Instagram, makita nga midila si Gwen samtang si David aksiyon nga mihalok kaniya.

Apan usa ka netizen ang nagyawyaw, nagkanayong: “I hope he marries you because after this you’ll be a damaged meat even a dog will refuse to eat.”

Chill lang sab kining gitubag sa aktres og “What kind of meat are you?”

Misegunda sab si David og, “@gwenzamora let’s cook him up baby, slowly...”

Sa pikas bahin, pinaagi sa usa ka Instagram post, nakita nga buntis diay ang aktres.

Sa hulagway, makita nga dako na iyang tiyan uban niini ang caption nga “Happy happy birthday baby @djsemerad.”

Sa mga hulagway sa aktres, mamatikdan nga miburot kini, sukwahi sa sexy niyang pamay-ong kaniadto.