Balita

Hagimit Falls gisira

Ralph Lawrence G. Llemit

ANG gidugokan sa mga turista nga Hagimit Falls sa Island Garden City of Samal sa Davao del Norte temporaryong gisira ngadto sa publiko aron nga ipailawom sa rehabilitasyon ug konserbasyon.

Nipagawas si Igacos Mayor Al David Uy sa Executive Order (EO) No. 64 nga nagmando sa temporaryong pagsira sa busay.

Sumala sa mayor, gawas nga nahimo kining nag-unang adtoanan sa mga turista sa siyudad, ang Hagimit maoy usa sa tinubdan sa suplay sa tubig sa isla.

"There is a need to protect and conserve Hagimit Falls being one of the sources of water supply in the Island Garden City of Samal," pagtin-aw ni Uy.

Aron nga maseguro ang ilang dugang proteksiyon, ang mayor nagsulti nga ang lokal nga panggamhanan nagmando alang sa iyang kinatibuk-ang pagsira, samtang ang rehabilitasyon ug ang mosunod pang mga pagpatuman sa ilang management conservation nagpadayon.

Ang EO nagtumbok nga tanang kalihukan ug business operations isuspende nga moepekto gilayon hangtud sa dugang pagpahibawo.

Gidid-an ang tanang indibiduwal sa pagsulod sa palibot ug uban pang rekursos sulod sa Hagimit.

Ang City Public Order and Safety Office (CPOSO), sa pakig-alayon uban sa Philippine National Police (PNP), Samal Task Force ug uban pang departamento sa lokal nga panggamhanan moasister sa City Environment and Natural Resources Office (Cenro) sa implementasyon ug pagmonitor sa lugar.

(Logo from: http://region7.dilg.gov.ph/lgus/lapu-lapu-city/)

Lapu to charge tourists environmental fee

Rama to file ‘tsunami’ of cases vs. MCWD, CPA

DOTr: Unconsolidated PUVs to be given due process before franchise revocation

66 heat-related illnesses logged among students in Central Visayas

Unconsolidated PUVs to be given ‘due process’ before revocation of franchises