NAGPABILIN sa tambalanan ang usa ka lalaki human dunggaban sa iyang kainom sa buak nga botelya Sabado sa gabii, Pebrero 9, sa Barangay Matina Aplaya, Davao City.

Giila ang biktima nga usa ka Randy Intres Roilo, 44, taga Times Beach Matina ug ang suspek giila nga usa ka Allan Ricabo Baliolo, 32, molupyo sa susamang lugar.

Sumala pa nga kauban ang duha nga nag-inom ug sa dihang nangahubog na, nagkalalis sila gumikan di mopalit og ilimnong makahubog ang suspek nga miresulta sa away.

Nagbinunalay ang duha gamit ang botelya sa beer nga ilang giinom.

Apan ang suspek dihang nagunitan ang buak nga botelya sa beer, gigamit niya kini sa pagdunggab sa biktima sa makadaghang higayon nga miresulta sa pagkasamad ni Randy.

Human sa insidente nadakpan ra usab ang suspek sa kapulisan.