DIGOS CITY -- Ipakatag sugod Lunes, Disyembre 16, sa Digos City Police Office (DCPO) ang unang adlaw sa Simbang Gabi kon Misa de Gallo nga naandan sa Romano Katolika nga simbahon matag alas 4:00 sa kaadlawon.

Gimandoan ni Police Lieutenant Colonel Ernesto Castillo, hepe sa DCPO, ang iyang mga ginsakpan nga mag-alerto sa pagbantay sa tanan nga mga simbahan dinhi sa siyudad.

Makig-alayon sab ang mga sakop sa Provincial Mobile Force Battalion sa Davao del Sur Police Provincial Office.

Motabang pagbantay sa kapulisan ang mga sakop sa 39th Infantry Battalion alang sa seguridad sa publiko.

Nasayran nga nakaplastar na daan ang kapulisan una magsugod ang Santos nga Misa.

Gihangyo usab nila ang katawhan nga magbantay sa ilang palibot ug motaho dayon kun mamatikdan ang mga tawong katingad-an og lihok ug mga kadudahang butang. (Orlando B. Dinoy)