PADAYON ang gihimong imbestigasyon sa Sasa Police Station sa pagpusil-patay sa usa ka lalaki alas 8 kagahapon sa buntag didto sa Crystal Meadows, Kilometro 11, Sasa, Davao City.

Sa impormasyon gikan sa Sasa police, ang biktima nailhang si Nestor besoro Teoroseo, hamtong ang pangedaron ug molupyo sa dapit.

Nasayran nga nagbaktas ang biktima dihang kalit gipusil sa wa mailhing mamumuno nga naghulat sa eskina sakay sa motorsiklo.

Human sa pagpamusil, nahagba ang biktima dayon gikuha sa mamumuno ang bag niini.

Gilayong misibat ang mamumuno. Ang kapulisan padayon nga nag-imbestiga sa krimen. (Jeepy P. Compio)