MATI CITY, Davao Oriental -- Patay na nga napalgan ang usa ka mangingisda sud mismo sa ilang giabangan nga balay human kini naghikog alas 2 sa kaadlawon sa Purok Malipayon, Upper Liberty, Barangay Central.

Ang biktima nailhang si Jerry (bansagon gitago), 24-anyos, nagpuyo sa nasampit nga dapit.

Migula sa imbestigasyon sa kapulisan sa Mati City PNP nga ulahing nakita ang biktima nga uban sa iyang anak ug kapuyo.

Giingon nga dunay personal nga problema ang biktima labot sa giingong relasyon niini sa usa ka babaye sa ilang lugar nga nauna na sab nga naghikog-patay.

Ang kapuyo sa biktima wala sab mihatag og pamahayag sa kapulisan labot sa gitago nga relasyon ni Jerry sa ubang babaye ngadto kaniya.

Wala nay kinabuhi ang biktima nga miabot sa Davao Oriental Provincial Medical Center human iyang gihigtan og bakus ang iyang liog dayon gigaid sa kahoy ug nagpabitay kini.

Ang patay nga lawas sa biktma gidala sa MCC Funeral Homes, sa Barangay Dahican. (Jeepy P. Compio)