GIPASAKAAN na og kasong murder ang 51-anyos nga lalaki human gipusil-patay ang iyang silingan nga 60-anyos, alas 7:30 sa gabii, Mayo 18, 2022 sa Purok 6, Barangay Asbang sa Matanao, Davao del Sur.

Ang suspek naila nga si Fedy Limama Diagone, 51, mag-uuma, taga Purok 6, Barangay Asbang samtang ang biktima mao si Totong Sanchez, 60-anyos, minyo, mag-uuma, nagpuyo sa Sitio Bantong sa Barangay Asbang.

Sumala pa nga mikuha og homemade 12 gauge shotgun ang suspek dayon gipusil ang biktima tumong sa likod.

Dali sab gidala ang biktima ngadto sa Davao del Sur Hospital apan gidaklara kining dead on arrival.

Daan nga bikil sa duruha ang giingong motibo sa krimen.

Nasikop sab dayon ang suspek pipila ka oras gikan sa pagkahitabo.