TACURONG CITY -- Usa ang nabugtuan sa kinabuhi ug tulo ang naluwas sa pag-igo sa kilat alas 3:15 sa hapon niadtong adlaw nga Lunes sa probinsya sa Cotabato.

Giila ang biktima nga mao si Saddam Mangelen, 29, minyo ug nagpuyo sa Columbio Sultan Kudarat.

Napangos sab ang duha ka anak ug asawa ni Mangelen apan luwas sila.

Sa taho gikan sa kapulisan sa lungsod sa Columbio nga samtang sakay ang mga biktima sa usa ka motorsiklo sa diha nga mubundak ang makusog nga ulan ug hangin.

Kalit sab nga milagapak ang dalugdog o kilat ug sentro nga naigo si Mangelen nga maoy nagmaneho sa motor.

Naka-angkon og grabeng paso sa lawas si Mangelen sa kusog nga boltahe sa kuryente sa kalit nga maoy hinungdan sa iyang kamatayon. (Edgar Fuerzas)