PIRTENG tiyabaw sa babayeng suspek uban sa uyab niini dihang nasakpan sila sa mga personahe sa Davao City Jail sa Maa, Davao City nga miitsa og kadudahang butang sud sa pasilidad sa prisohan niadtong Miyerkules, Marso 22, 2023.

Sa impormasyon gikan sa Bureau of Jail Management and Penology (BJMP) Davao Region usa ka babaye ug lalaki kinsa mag-uyab ang sakpang milabay og kontrabando.

Gilayong gisubay sa mga jail guards ang pasilidad ug didto napalgan ang kontrabando nga ang sulod tulo ka mga tobacco, upat ka kahon nga sigarilyo, lighter, tooter ug usa ka pakite sa gituohang shabu.

Naapsan pa sa mga jail guards ang duha ka suspek kinsa nangulipas sa hitabo, apan wala sila kaikyas sa kuha sa closed circuit television (CCTV) camera.

Nasayran gikan sa BJMP-Davao nga kanhi Person Deprived of Liberty (PDL) ang lalaki nga suspek nga nakagawas na sa prisohan.

Sa kasamtangan, mga suspek temporaryo nga gipang-kustodiya sa kapulisan.