KIDAPAWAN CITY -- Gisubay karon sa kapulisan sa Pikit Municipal Police Station ang pagpatay sa negusyante alas 8:05 sa gabii niadtong Lunes, Enero 25.

Giila ang biktima nga si Samer Dimanalao, 43, minyo, buy and sell trader ug nagpuyo sa Sitio Galigayanin, Barangay Macabual sa maong lungsod sa North Cotabato.

Gibutyag ni Pikit Chief of Police Captain Mautin Pangandigan nga nag-ayo lang og suga ang biktima sa iyang sakyanan atbang sa iyang balay apan giduol sa wala mailhing armadong lalaki ug gipusil gamit ang M16 Armalite rifle.

Abtik nga miikyas ang suspek aron nga di maabtan sa nagrespondeng mga Cafgu Active Auxiliary ug Barangay Police Action Team.

Natusak-tusak ang lawas sa biktima, hinungdan sa iyang kamatayon. (Edgar E. Fuerzas)