ANG San Pedro Police Station ug ang mga opisyal sa Barangay 5-A, Bankerohan, Davao City nihimo na og pagpanubay aron sikupon ang lalaki nga milugos sa iro didto sa Barangay 13-B, siyudad sa Davao.

Sumala ni Police Major Jack Tilcag, hepe sa San Pedro police, nga makigkoordinar sila sa Barangay 5-A aron masikop ang suspek sanglit mibalhin kini sa Bankerohan human sa hitabo.

Una niini, nagpa-blotter sa San Pedro police statio ang tag-iya sa iro nga nganlan og "Igit" human ilang namatikdan ang ilang iro nga na-trauma human kini gilugos sa ilang silingang lalaki kinsa boarder sa dapit.

Nag-trending ang Facebook post sa nanag-iya sa iro nga si Renren, nga nagsaysay sa gidangatan sa ilang binuhi niadtong Enero 19, 2020.

Nasayran nga tungod sa ka-friendly sa ilang iro, miuban kini sa maong boarder, apan tungod kay wa pa mibalik ang ilang iro, giapas ug gipangita kini sa manghod ni Renren.

Apan dakong kakurat sa igsuon ni Renren dihang nakita ang boarder nga nagkahubo ug maayo kaayong kasta-kasta sa ilang iro.

Dali sab nga misibat ang suspek nga giingong anaa karon sa Bankerohan nagtago-tago.

Andam usab modakop ang kapulisan gumikan dunay reklamo aron mapahamtang ang silot subay sa Animal Law. (Jeepy P. Compio)