PATAY ang usa ka barangay tanod human kini pusila sa wa pa mailhing suspetsado alas 4 sa kaadlawon, Hulyo 20, didto sa Barangay Centro, Agdao District, Davao City.

Ang bitkima giila ni Police Major Jake Goles nga si Gever Ewayan, 46, tanod sa Barangay Centro, Agdao ug nagpuyo sa South San Juan.

Subay sa inisyal nga imbestigasyon nga samtang naglakaw ang biktima sa kalsada kalit kining gipusil sa wa mailhing mga suspek sakay sa motorsiklo dayon sibat.

Nadala pa sa Southern Philippine Medical Center (SPMC) ang biktima apan gideklara kining dead on arrival human makahiagom og daghang mga samad pinusilan sa nagkadaiyang parte sa lawas.

Narekober sa crime scene ang unom ka mga basiyo sa .45 caliber nga pistola.

Sa kasamtangan padayon ang gihimong imbestigasyon sa kapulisan labot sa krimen aron mailhan ug masikop ang mga responsable.