NASIKOP na sa Buhangin Police Station ang usa ka 66-anyos nga suspek sa pagpamusil sa lima ka tawo nga iyang silingan ug giapil pa niini ang iyang anak kinsa namatay.

Nasikop mao si Rolando Rebullos Salazar, 66, kanhi empleyado sa Davao City Water District (DCWD), kinsa namusil Dominggo sa buntag, Mayo 31, 2020, didto sa Waling-Waling Street, Barangay Buhangin Proper, Davao City.

Lima ka pamilyang Navarro nga silingan sa suspek ang iyang gipamusil gumikan sa giingong bikil sa septic tank.

Dihang pasibat ang suspek gipugngan kini sa anak nga si Rolando Resureccion Salazar, 41, apan gipusil hinuon kini nga maoy hinungdan sa kamatayon.

Nasikop dayon ang suspek samtang ang lima ka pamilyang Navarro nagpaalim sud sa ospital, kinsa ang usa niini buntis.

Kasong murder with parricide ug lima ka ihap nga attempted murder ang atubangon nga kaso sa dinakpan didto sa korte.