HITSAS na ang listahan sa maayudahan og pinansyal sa mga nasunogan sa Barangay Leon Garcia, diin bisan unsang orasa matigayon ang pagpang-apud-apod sa ayuda.

Subay sa impormasyon gikan sa City Social Welfare and Development Office (CSWDO), ilaha nang na-identify ug duna na silay pinal nga listahan sa makadawat sa ayudang pinansyal gikan sa lokal nga panggamhanan sa Davao.

Ang residente nga dunay totally damaged nga balay makadawat og tag P10,000 matag usa, samtang P5,000 ang sa partially damaged. Makadawat sab og tag P3,000 ang mga renters ug sharers.

Samtang nang-apud-apod og pinansyal, gipasaka na sab ang kasong arson batok sa suspek nga misunog sa ilang balay ug midamay og dul-an 60 ka mga balay, Septyembre 3, 2020 didto sa Sto. Niño, Gotamco, Barangay Leon Garcia, Agdao District Davao City. (Jeepy P. Compio)