ANG Technical Education and Skills Development Authority (Tesda) niingon nga mohatag og libreng skills training sa mga namalik nga Overseas Filipino Workers (OFWs) nga nagtrabaho sa langyaw nga mga nasud nga apektado sa krisis o kadtong adunay problema sa ilang mga amo sa gawas sa nasud.

Ang libreng skills training program nagtumong sa pagtabang sa mga OFWs sa pagpangita og trabaho dinhi ug sa gawas sa nasud.

Ang proyekto sa pagbansay sa kahanas sa angay nga tabang nga gikinahanglan kung sila modesisyon sa pag-abli sa usa ka negusyo o bisan unsa nga mga oportunidad nga makamugna og kita.

Gawas sa libreng skills training program, mga OFWs hatagan usab og libreng assessment ug certification nga gikinahanglan alang sa pagpanarbaho.

Ang libreng skills program gipaabot usab sa mga immediate family members sa OFWs.

Mga interesadong aplikante mahimong mobisita sa regional, provincial ug district offices sa Tesda ug mosumiter sa mga dokumento sama sa referral letter gikan sa Overseas Workers Welfare Administration (Owwa), kung wala gihapon malista ang ilang mga pangalan sa database sa ahensiya, ug pasaporte.

Mga sakop sa pamilya nga gustong mo-avail sa libreng skills training program kinahanglang magdala og photocopy sa passport sa mibalik nga OFW, letter of authorization gikan sa OFW, ug marriage o birth certificate nga magpamatuod nga sila mga immediate relatives sa OFW.

Ang TESDA naghimo usab og database alang sa mga namalik nga OFWs ug sa ilang immediate family members aron sila ma-monitor kalabot sa skills training program.