NORTH COTABATO -- Tokhangon sa mga opisyales sa usa ka barangay sa siyudad sa Kidapawan ang mga molupyo nga wala pa mabakunahan.

Gikanayon ni Barangay Sudapin Chairman John Karl Sibug nga miarangkada na ang ilang programa nga "toktok hangyo."

Gipamahayag ni Sibug nga adtoan nila ang mga balay nga dunay namuyo nga wala pa gyud mabakunahan.

Uban sa nahisgutang barangay ang mga health care workers sa pagpahigayon sa Tokhang.

Anaa sa 20 porsiyento pa sa mga namuyo ang wala mabakunahan sa Barangay Sudapin sa nahisgutang siyudad.

Giingong mga molupyo sa barangay nahadlok nga magpabakuna gumikan sa mikatag nga peke nga impormasyon.

Apan giklaro ni Sibug nga katuyoan sa programa nga mas daghan nga mga taga Sudapin ang mahatagan og bakuna ug proteksiyon ilabi na nga mitumaw na ang Omicron variant sa Covid-19. (Edgar E. Fuerzas)