USA ka matinud-anon nga tricycle driver sa Tagum City ang gipasidunggan human kini miuli sa nakit-ang P20 milyon nga salapi ug dunay cheque.

Giila ang nahisgutan nga si Sofio Alo Jr., kinsa mao mismo ang nakakita sa nabilin nga salapi ug cheque sa iyang pasahero.

Saysay sa traysikel drayber nga mikanaug sa usa ka bangko sa Pioneer Avenue sa Tagum ang iyang pasahero diin wa niini nabantayan nga naa diay nabilin.

Ang honest nga traysikel drayber mismong miuli sa salapi ug cheque didto sa City Hall diin malampusong nabalik sa tag-iya kinsa mihatag sab og pahalipay ngadto sa maong matinud-anong traysikel drayber nga angay kapanaminan. (Uban sa taho sa Charm Radio Tagum City)