DAKO suma pa ang kalampusan sa pagkabungkag sa duha ka mga guerilla units sa communist terrorist group nga New People's Army (NPA) nga galihok sa Davao City.

Kini ang pagdayeg ni Davao City Acting Mayor Sebastian "Baste" Duterte sa nahimong pagbungkag sa 1003rd Infantry (Raptor) Brigade sa duha ka mga guerilla front nga mao ang Guerilla Front (GF) 55, Sub-Regional Guerila Unit ug Sub-Regional Committee 5, Southern Mindanao Regional Command.

Atol sa gihimong Ceremonial Victory Declaration sa 1003rd Brigade sa Philippine Army Huwebes sa buntag, Marso 24, 2002, nga gipangunahan sa batan-ong Duterte, gidayeg niini ang kalampusan sa kasundalohan sa pagbatok sa mga teroristang grupo.

Sa programa sa Rizal Park, siyudad sa Davao, 78 ka mga kanhi rebelde ang gipaila isip mga Peace Champions tungod sa ilang suporta sa counter-insurgency campaign sa gobyerno.