UNOM na ka mga barangay sa Datu Montawal, Maguindanao ang natamnan og tabako.

Buot sa lokal nga kagamhanan sa lungsod nga palapdan pa ang pagpananum og tabako aron madasig ang ubang mga mag-uuma gawas sa naandan nilang panginabuhi nga pagtanum og mais ug humay.

Matud ni Mayor Datu Ohto Montawal nga taas ang panginahanglan sa tabako hinungdan nga mahal nga presyo sa merkado busa maayong mananum niini.

Tinguha nga magtukod ang Datu Montawal og buying station aron nga di na lisud alang sa mga mag-uuma paghatud sa ilang produkto ngadto sa merkado sa Bukidnon ug Misamis.

Dugang pa sa mayor nga hatagan nila og saktong presyo ang mga mag-uuma aron matabangan sila nga mokita ug makabawi sa ilang gasto sa pagpananum busa giawhag niini ang mga tawo nga nanag-iya og yuta sa lungsod nga mananum og tabako.