DAVAO DEL SUR -- Daghan sa mga konsumante og bugas ang nalipay human masayod nga gilagdaan na ni Presidente Rodrigo Duterte ang Rice Tariffication Law.

Ang maong balaodnon nagtugot og halapad nga importasyon sa bugas mao nga mobarato na ang presyo niini sa merkado.

Ang konsumanteng si Lucila Pescuala, 45-anyos, taga, Sta. Cruz, Davao del Sur, nga sa kamahal sa presyo sa mga bugas sa merkado dakong tabang kanila ang mga imported rice nga barato lamang ang presyo niini.

Apan, ang konsumanteng si Vicente Cariñosa, 54-anyos, nga taga Digos City, nabalaka nga hayan ipangsagol na sab kini sa mga tikasang negusyante ngadto sa mga lokal nga bugas aron modako ang ilang kita.

Hinuon, mas daghang konsumante ang nalipay kay mokunhod na ang presyo sa bugas diha sa merkado.

Unang gisulti ni Finance Sec. Tony Lambino, nga gikan P2 ngadto P7 ang pag-ubos sa presyo sa bugas.

Nanghinaot ang mga konsumanteng sama ni Mariafe, 47-anyos, nga makita na nila ang epekto sa maong balaodnon karong sunod nga mga adlaw ilabi pa nga tag usa ka kilo ang ilang mahurot nga bugas sa iyang pamilya matag adlaw. (OBD)