TINGKAGOL sud sa prisohan ang usa ka rider sa usa ka sikat nga food delivery services.

Imbes pagkaon ihatud sa suspek nga si Peter Lloyd Diuyan, alyas Tot, 23, taga Barangay 38-D, Davao City, shabu na hinuon ang iyang gihatud, apan pakyas lang kay mga pulis ang iyang kustomer.

Sumala ni Bunawan police station commander Police Major Noel Villahermosa nga ilaha nang gipailawom sa test-buy niadtong Pebrero 5 ang suspek ug migara kini sa pagpamaligya hinungdan nga gipailawom sa buy-bust.

Nasikop ang suspek alas 7 sa gabii niadtong Huwebes didto sa Lacson Street, Bo. Obrrero, Davao City.

Kasong pagsupak sa Republic Act 9165 kun Comprehensive Dangerous Drug Act of 2002 ang atubangong kaso sa suspek didto sa korte.