DIGOS CITY -- Naresolba na sa Traffic Management Center (TMC) ang suliran sa trapiko human nabutangan og traffic lights ang dalang Rizal Avenue nga kada adlaw naghuot ang mga sakyanan.

Gibutyag sa drayber og traysikel nga si Junald Labrador nga dako na og kausaban ang dakbayan kon itandi kaniadto.

Alang niya, nakatabang kanilang mga drayber ang instalasyon sa mga traffic lights kon itandi kaniadto nga mag-iyahay ra og lusot ang mga sakyanan ug maoy nakapahuot sa kadalanan.

Matud ni Rey Donque, 21, nga lahi ra ang traffic lights kaysa kaniadto nga mga traffic enforcers ang nagbantay.

Samtang, gitataw ni outgoing Digos City Mayor Joseph Peñas nga gipaningkamutan gyud sa lokal nga gobyerno nga mataod ang mga traffic lights sa dakbayan aron masulbad ang paghuot sa mga sakyanan sa maong lugar. (Orlando B. Dinoy)