NAG-ANTUS ang tubig barangay human mawad-i'g suplay sa tubig sa dihang aksidenteng gipayhag sa 10-wheeler truck ang major pipeline sa Rural Water Supply and Sanitation Agency (Ruwasa) atubangan sa New Visayas Elementary School sa Barangay New Visayas sa Sto. Tomas, Davao del Norte niadto pang Martes sa gabii, Pebrero 23, 2021.

Matud pa nga ang trak nga nagkarga og 450 ka sako sa feeds ang hinungdan sa pagkadaut sa tubo dihang aksidenteng nalubong sa lapok ug nalatayan ang tubo.

Gibutyag ni Municipal Economic Enterprise Development and Management Office (Meedmo) Manager Gary Recto kinsa nawad-an sab og tubig ang panimalay nga nawad-an og tubig ang tibuok barangay sa New Visayas ilabi na nga gipawong ang water pump aron nga katagaan og higayon ang mga mokompone sa tubo.

Giingong tanang gasto sa nadaut nga tubo, lakip na ang bayad sa mag-overtime nga mga personahe sa Meedmo

abagahon sa tag-iya sa trak.

Sukad sa pagsuwat ning balita Huwebes sa buntag, padayon pa ang pag-ayo sa naguba nga tubo sa Ruwasa. (Dexter T. Visitacion)