ANG Karate Pilipinas Davao Region mipauli uban ang duha ka bulawang medalya ug pito ka bronse sa pagtapos sa 1st Karate Pilipinas All Division National Championships nga gihimo sa PhilSports Arena sa Pasig City sa nakalabay nga weekend.

Sila Sofia Agullo ug Aldren Solon miangkon sa bulawan alang sa tim nga gigiyahan ni Rommel Tan.

Ang midaug og bronse mao sila Ian Carlos Pascual II, Atsuko Kaiyel Tan, Janna Alexandrea Ramirez, Gabriel Quiñones, Sam Cartagena ug Jammel Taunan.

Si Tan malipayon sa performance sa mga atleta.

“We brought eight players, seven from AAK Davao and one from UM (University of Mindanao) Davao and all won medals so for me good job for the athletes,” niya sa Facebook interview tali SunStar Davao kagahapon.

Dugang niya nga aktibidad mao ang unang national open sa Karate Pilipinas, ang bag-ong pederasyon nga girekognisa sa World Karate Federation ug gisuportahan sa Philippine Sports Commission.

“Only regional championship winners, gold and silver, were allowed to compete in the tournament,” ni Tan.

Nagpasalamat siya kang Jay ug Jo Anne Ramirez, Sharon Cartagena, Richard Lu, Emery Neble, Jovita ug Robert Quiñones, Giselle Bohol ug Karate Pilipinas 11 sa ilang suporta sa tim.