GILAUMANG anaa sa 90 Judokas ang moduwa sa 33rd Kadayawan sa Dabaw Festival Judo competition karong Agosto 18, 2018 nga ipahigayon didto sa Mats College of Technology sa R. Castillo Street, Davao City.

Kini ang pahayag ni Davao Judo Association and Southern Mindanao Judo Association general secretary Janina Marinessa Maelwas.

Ang mga tims nga magtigi gikan sa University of Mindanao (UM), Holy Cross of Davao College (HCDC), Mats College of Technology, Kolehiyo ng Pantukan, Jeager Judo Club of Tacurong City, Phytons Pit Judo Club, Philippine College of Technology (PCT), ug Davao Judo Association Central Kids Judo Club alang sa men's division ug women's advance, beginners, boys and girls High School ug kids divisions.

Dugang ni Maelwas nga ang De La Salle University Green Archers nagpaabot sab og interesado apan mibawi tungod nahimong kumplikado ilang iskedyul.

Ang torneyo gipresenta sa Davao Judo Association uban sa suporta sa Sports Development Division-City Mayors Office (SDD-CMO) aron magpromotar og disiplina, ug respeto sa mga atleta ug estudyante pinaagi sa judo.

“It also aims to develop competitive and well-disciplined athletes in the grassroots level and produce good citizens in the community,” pahayag niya. (Marizz R. Perez)