ANG Assumption College of Davao (ACD) ug Brokenshire Science High School (BSHS) mipildi sa nagkadaiya nilang kaatbang sa pagbalik sa Davao Youth Basketball League (DYBL) 2019 sa Margarita Gym, J.P. Laurel Avenue, Davao City, Biyernes, Agosto 16.

Ang ACD midemolis sa St. Patrick Math-Sci School (SPMSS), 50-43, samtang ang BSHS mipildi sa Philippine Women’s College (PWC) Davao, 40-30, sa ilang tagsa-tagsa ka duwa.

Ang ACD, miangkon sa 4-1, win-loss record sa bracket A samtang ang SPMSS natagak sa 1-4 sa bracket B.

Samtang ang BSHS, miangkon sa unang daug sa duwa nga giorganisa sa Red Sports Events.

Ang PWC mihangop sa ikalimang setback.

Sa laing duwa, ang Davao Jones Academy milaparo sa Crossing Bayabas National High School (CBNHS), 44-35, samtang ang Immanuel School of Davao (ISD) midaug kontra Holy Cross of Davao College (HCDC), 50-48.

Ang DJA sa bracket a miangkon sa 4-0 samtang ang CBNHS sa bracket B may 5-0.

Ang ISD, sa ilang kabahin, miabante sa 2-3 samtang 0-5 ang HCDC.

Ang Jesus Soriano National mipildi sab sa Ford Academy of the Arts via forfeiture.

Laing unom ka duwa ang himuon karon sa Margarita Gym. (MLSA)