SILA San Pedro College (SPC) accounting graduate Gino Angelo Asuncion ug Caerel Shane Mantilla sa University of Mindanao (UM) nagsawo sa kadaugan human manguna sa APM Mindanao Chessmates Juniors Chess Tournament nga gihimo sa nakalabay nga weekend sa Damosa Market Basket sa Lanang, Davao City.

Ang top-ranked nga si Asuncion mi-tally og 4.5 puntos human ang lima ka rounds sa juniors under-20 division sa Swiss System format chessfest, gipildi si Wesley Jovan Magbanua sa Jose Maria College ug Neil Sebastian Enoc sa SPC nga nabutang sa ikaduha ug ikatulo nga pwesto.

Si Magbanua mipukan ni Enoc via superior tiebreaks, 14-13.

Si Asuncion milampurnas sab sa 14th seed Edmar Llanto, seventh seed Enoc, fourth seed Honey Grace Buenafe ug fifth seed Kurt John Placencia apan nahug sa draw kang second seed Magbanua.

Si Buenafe giilang top junior lady player, samtang si top seed Mantilla miiskor og perfect five points aron pildihon ang four-pointers sixth seed Yreil Josh Hernani sa Pathway Christian Academy ug 11th seed Princess Dianna Simbajon sa Tawad Echevarria Elementary School aron makuha ang kiddies title.

Si Mantilla gipangbalikan ang mga kaatbang, Hernani, Lance Andrei Lao, Jim Briken Diabakid, Kyle Johann Ylanan ug Shiela Mae Hernando sa nakalabayng lima ka rounds.

Ang juniors event mitigum sa 25 ka manumbulay samtang sa kiddies category dunay 26.

Ang top three players sa matag kategoriya midawat og cash prizes nga P1,000, P600 ug P500 lakip na medalya.