TINGUHA ni Justin Fortune, ang strength and conditioning coach ni Manny Pacquiao, nga himuon sa Wembley, London kon ugaling madayon ang away niini kang British boxer Amir Khan.

Gisulti niini nga dunay kapasidad nga 100,000 ka tawo ang Wembley stadium nga halos doble sa away sa fighting senator kang Jeff Horn sa Brisbane, Australia nga dunay 52,000.

Giseguro sab niini nga tukbon kini sa mga tawo didto tungod hilig sa mga British ang boksing.

Mahinumdoman nga usa si Khan sa tinguha ni Pacquiao nga isunod nga awayon human ang kalampusan niya kang Lucas Matthysse.

Sa pikas bahin, nagpadayag sab og kaandam si British boxer Amir Khan alang sa away batok Pacquiao.

Gisulti niini nga puwede nga hangtud sa katapusan karong tuiga o sa 2019.

Humanon lang matud pa niini ang away niya batok kang Samuel Vargas nga gitakda nga mahitabo sa Septyembre.

Dugang pa niini nga managsama lang sila sa fighting senator nga dunay maayong panglawas alang sa nahisgutang away.