TAMBONGAN ni Asian Games 2018 champion Margielyn Didal nga taga siyudad sa Cebu ang pormal nga pagbukas sa Davao Skate Park, nahimutang ilawom sa Agdao Flyover, siyudad sa Davao, sa Marso 15.

Gibutyag kini ni Davao Skate Park's Lee Roy Guzman atol sa Davao Sportswriters Association (DSA) Forum niadtong Huwebes, Pebrero 28, sa The Annex of SM City Davao.

Gikanayon sab niya nga si Davao City Mayor Sara Duterte Carpio manguna sa seremonyal nga pagputol sa ribbon.

"The restroom is currently being constructed," matud niya, ug dugang nagkanayon nga si Davao City artist Dave Ibao ug local paint brand maoy gikuha aron nga modesinyo ug mopintal sa parke.

Libre ang mga menor de edad nga moadto sa skate park gikan sa alas 3 sa hapon hangtud sa 8 sa gabii sa matag semana ug alas 8 sa buntag hangtud alas 10 sa gabii alang sa mga hamtong sa matag semana.

Istriktong ipatuman ang "no-helmet, no-skate" nga polisiya sa dulaanan.