SI JAMES Harden mikubra og 44 puntos, 11 rebounds ug 11 ka assists alang sa Houston Rockets, 118-108 nga kadaugan kontra Philadelphia 76ers, Enero 3 sa gabii.

Si Harden mipuntos kontra Josh Richardson uban ang usa ka minuto ug 17 segundos nga nabilin sa duwa.

Si Ben Simmons nanguna sa Philadelphia uban ang 29 puntos, 13 rebounds, 11 assists ug four blocks.

Samtang si Tobias Harris miiskort og 24 puntos ug Joel Embiid midugang og 20 puntos ug 12 rebounds.

Magic 105, Heat 85

Si Terrence Ross miiskor og 25 puntos, Nikola Vucevic may 20 puntos ug 11 rebounds, diin gipakuratan sa Orlando ang Miami sa fourth quarter.

Ang Miami miiskort lamang og sais puntos sa fourth quarter. Si Jimmy Butler mipundo og 23 puntos ug 10 rebounds alang sa Heat.

Si Aaron Gordon may 16 puntos ug walo ka rebounds alang sa Magic, ug Evan Fournier may 15 points.

Celtics 109, Hawks 106

Samtang si Jaylen Brown mipuntos og 24 ug 10 rebounds diin ang Boston Celtics miyam-id sa 18-point, first-quarter deficit kontra Atlanta.

Trail Blazers 122, Wizards 103

Si Damian Lillard sab mitigum og 35 points ug CJ McCollum midugang og 24 sa kalampusan sa Portland kontra Washington.

Si Hassan Whiteside nanigum og 23 puntos, 21 rebounds ug five blocks aron tabangan ang Portland nga makadaug.

Suns 120, Knicks 112

Samtang si Devin Booker miiskor og 38 points, Kelly Oubre Jr. midugang og 29 aron manguna ang Phoenix kontra New York.