MGA bata ug inspiradong basketbolista gikan sa pito ka eskwelahan sa Davao City ang mihayag sa Future Star League grassroots basketball tournament nga gibuksan niadtong Lunes, Mayo 21.

Ang liga usa ka joint program sa Mark Anthony Constuction and Supply (MACS) ug Cherrylume nga gihimo sa Rizal Memorial Colleges (RMC) Event Center.

Ang mga tim nga apil sa torneyo mao ang Ateneo de Davao University (ADDU), University of Immacualte Concepcion (UIC), San Pedro College (SPC), Philippine Women's College (PWC), Ford Academy of the Arts (FAA), Davao Christian High School (DCHS) ug San Juan Elementary School (SJES) nga miparada atol sa opening rites nga giulohan nila MACS president engineer-captain Mark Anthony Cayetano ug Cherryulume vice president Bong Tan.

Ang unang duwa gitigi tali sa DCHS ug SPC diin naka-eskapo ang ulahi, 32-29.

Sa rising stars division nga gipaluyohan ni John Alpapara kinsa milabay og 20 puntos gawas sa siyam rebounds ug lima ka steals.

Mitabang sab si Matt Cayetano sa DCHS alang sa kaudagan nga mimarka og upat, duha rebounds ug miabag sa hugot depensa.

Samtang, ang PWC nakuha ang unang daug kontra UIC sa 20-19 ug sa elite stars division, gidemolis sa PWC A ang UIC B 67-9 dayon ang PWC B naka-survive sa UIC A 36-34, sa torneyo nga gi-opisyalan sa Samahang Basketbol ng Pilipinas Davao Chapter. (ABM)